• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны вобласці

Амаль 100 юных музыкантаў Гомельскай вобласці стануць удзельнікамі конкурсу "Юны віртуоз"

10.02.2020

I Адкрыты абласны конкурс выканаўцаў на фартэпіяна і струнных смычковых інструментах "Юны віртуоз" пройдзе 14-15 лютага ў Гомелі, паведамілі карэспандэнту БЕЛТА арганізатары.

Музычнай арэнай для ўдзельнікаў стане Гомельскі дзяржаўны каледж мастацтваў імя Н.Ф.Сакалоўскага. Пададзена каля 100 заявак ад вучняў дзіцячых школ мастацтваў і каледжаў з Гомеля і вобласці.

Ацэньваць выступленні юных віртуозаў будзе журы, у склад якога ўвойдуць вядучыя педагогі ўстаноў адукацыі ў сферы культуры Беларусі. Яны вызначаць лепшых музыкантаў у такіх намінацыях, як "Фартэпіяна", "Скрыпка", "Віяланчэль", "Кантрабас".

Завершаць конкурсную праграму цырымонія ўзнагароджвання і выступлення лаўрэатаў.

Асноўная мэта творчага спаборніцтва - садзейнічанне ў рэалізацыі ініцыятыў і патэнцыялу вучняў, выяўленне і падтрымка таленавітых дзяцей і маладых выканаўцаў.

Арганізатарамі I Адкрытага абласнога конкурсу выканаўцаў на фартэпіяна і струнных смычковых інструментах "Юны віртуоз" выступаюць галоўнае ўпраўленне ідэалагічнай работы, культуры і па справах моладзі аблвыканкама і Гомельскі дзяржаўны каледж мастацтваў імя Н.Ф.Сакалоўскага.

Навіны Беларусі (БЕЛТА)