• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны рэспублікі

Дзіцячыя дапамогі павышаюцца з 1 мая

30.04.2019

У Беларусі з 1 мая вырасце памер дзіцячых дапамог і некаторых іншых сацыяльных выплат у сувязі з павелічэннем бюджэту пражытачнага мінімуму (БПМ), паведамілі карэспандэнту БЕЛТА ў Міністэрстве працы і сацыяльнай абароны.

Пастановай Мінпрацы і сацабароны ад 26 красавіка 2019 года нумар 16 БПМ з 1 мая ў разліку на месяц устаноўлены ў памеры Br224,02. БПМ павысіўся на 3,3 працэнта ў параўнанні з нарматывам, які дзейнічаў з 1 лютага па 30 красавіка 2019 года, адпаведна павялічваюцца і сацыяльныя выплаты, у тым ліку дзярждапамогі сем'ям, якія выхоўваюць дзяцей.

Так, аднаразовая дапамога пры нараджэнні першага дзіцяці цяпер складае Br2240,2; пры нараджэнні другога і наступных дзяцей - Br3136,28. Аднаразовая дапамога жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці, з мая будзе выплачвацца ў памеры Br224,02, дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да трох гадоў (штомесячная) - у памеры Br112,01.

Штомесячная дапамога сем'ям на дзяцей старэйшых за 3 гады з асобных катэгорый сем'яў, што вызначаюцца заканадаўствам: на дзіця-інваліда - Br156,81, на іншых дзяцей у сям'і - Br112,01. Штомесячная дапамога па доглядзе дзіцяці-інваліда ва ўзросце да 18 гадоў складае Br224,02 (з I і II ступенню страты здароўя і з III і IV ступенню страты здароўя да спаўнення дзіцяці ўзросту 3 гадоў) і Br268,82 (з III і IV ступенню страты здароўя пасля спаўнення дзіцяці ўзросту 3 гадоў); штомесячная дапамога на дзіця ва ўзросце да 18 гадоў, інфіцыраванае ВІЧ, - Br156,81.

Новости Беларуси (БЕЛТА)