• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны рэспублікі

ВНУ Беларусі пачынаюць прыём дакументаў ад абітурыентаў

12.07.2019

Беларускія ВНУ 12 ліпеня пачынаюць прымаць дакументы ад абітурыентаў. Прадоўжыцца гэты этап уступнай кампаніі па 17 ліпеня, паведамляе БЕЛТА.

Прыём дакументаў ад абітурыентаў, якія вырашылі паступаць на платнае і не будуць здаваць уступныя іспыты непасрэдна ў саміх ВНУ, будзе весціся з 12 ліпеня па 4 жніўня. Крыху іншыя тэрміны ў гэтым выпадку ўстаноўлены для сілавых і творчых ВНУ - 12-31 ліпеня і 12 ліпеня - 2 жніўня адпаведна.

Выпускнікі профільных класаў педагагічнай накіраванасці, якія паступаюць на педспецыяльнасці, могуць падаваць дакументы з 12 па 14 ліпеня. Пазней за ўсіх чакаюць абітурыентаў, якія прэтэндуюць на завочныя месцы ў ВНУ сельскагаспадарчага профілю - з 15 лістапада па 5 снежня.

Усяго у 2019 годзе ў ВНУ Беларусі плануецца прыняць 54,7 тыс. чалавек, што на 1 працэнт больш за план прыёму мінулага года. Чакаецца, што студэнтамі бюджэтнай формы навучання стануць 26,6 тыс. чалавек, гэта на 0,7 працэнта перавышае план прыёму 2018 года. Павялічаны набор на медыцынскія, IT-спецыяльнасці, а таксама спецыяльнасці фізкультуры і спорту.

На платнае ВНУ маюць намер прыняць 28,2 тыс. чалавек, што на 1,5 працэнта перавышае мінулагодні план прыёму за кошт IT-спецыяльнасцей і спецыяльнасцей фізкультуры і спорту.

Прыём дакументаў будуць весці 49 ВНУ, з іх 42 - дзяржаўнай формы ўласнасці і 7 - прыватнай.

Унутраныя ўступныя іспыты пройдуць з 18 па 26 ліпеня, з 6 па 15 снежня - у сельскагаспадарчых ВНУ. Тэрміны залічэння за кошт сродкаў бюджэту - па 28 ліпеня (за выключэннем ваенных устаноў вышэйшай адукацыі), на платнай аснове - па 6 жніўня (за выключэннем некаторых ваенных ВНУ і культуры).

Навіны Беларусі (БЕЛТА)